АҞӘА, ԥхынҷкәын 15 - Sputnik. Донецк 2014 шықәса раахыс зегь реиҳа иӷәӷәоу ааха арҭеит иҳәеит ақалақь ахада Алексеи Кулемзин.
"Иахьа ашьыжь асааҭ 07.00 рзы Донецк агәы 2014 шықәса раахыс зегь реиҳа иӷәӷәоу ааха аҭан", - ҳәа иҩит ихатәы Telegram-канал аҿы.
40 реактивтә хгәыцә ақалақь агәы иалаҳаит. Иҟоуп аҩнеихагылақәа ираахазгьы.
"Иҟалаз зыблала избаз ирҳәеит Ватутин имҩа, абульвар "Школьныи", Театральнаиа амҩаду, астуденттә қалақь рҟны аҩнеихагылақәа ааха роуит ҳәа. Аахақәа ҟалеит апроспект "Мира", "50 лет СССР" амҩаду, Шевченко ихьӡ зху абульвар рҿы. Ахәыҷбаҳча №15 аҟны ашәқәеи аԥенџьырқәеи ҭыҟьҟьеит", - ҳәа иҳәоит Кулемзин.
Ааха зауыз ирызку аинформациа ҭырҵаауеит.
ДЖәР ахаҭарнакраҿы ирҳәоит Украина арратә цәгьоурақәа ирыдҳәалоу азҵаарақәа реицхылаԥшреи реиҿкаареи рзы Ацентр (СЦКК) адыррала Киевтәи араион иақәкны иҭырҟьан "нато" иаҭыжьымҭоу, зыҭбаара 155 миллиметр иҟоу ахгәыцәқәа.