АҞӘА, ԥхынҷкәын 18 – Sputnik. Урыстәыла Аҭәылахьчара аминистр Сергеи Шоигу иусуратә ныҟәара хиркәшеит Аладатәи арратә округи аоперациа ҷыда ахьымҩаԥысуа аҭыԥ аҟны иҟоу урыстәылатәи архәҭақәа рҭаарала ҳәа аанацҳауеит Урыстәыла Аҭәылахьчара аминистрра.
Иҟоу акадрқәа рыҟны Атәылахьчара аминистр Шоигу авертолиотла ар ргыларҭа ҭыԥқәа дырхыԥрааны игәеиҭоит, аоперациа ҷыда ахьымҩаԥысуа аҭыԥ аҟны иҟоу урыстәылатәи архәҭақәа драцәажәеит.
Анаҩс, Шоигу агәыԥқәа рыдҵаҟаҵаҩцәа иҟоу аҭагылазаашьазы рдокладқәа дырзыӡырҩит.
"Урыстәыла Аҭәылахьчара аминистр дыззыӡырҩыз аҟынтәи еиҳарак азҿлымҳара аиҭеит арбџьармчқәа реиқәыршәара аиҿкаашьеи, аибашьцәа адәыҟны рҭагылазаашьа зеиԥшроу, иара убас амедицинеи атыли рыҟәшақәа русура", - ҳәа аҳәоит аҳәамҭаҿы.
Аусбарҭаҟны ирҳәеит аминистр аррамаҵзурауаа дышрацәажәаз, ҭабуп ҳәагь шреиҳәаз рҿаԥхьа иқәгылоу ахыдҵақәа ҿырԥшыган рынагӡаразы.