АҞӘА, ԥхынҷкәын 24 - Sputnik. Россотрудничество аквотатә программала урыстәылатәи иреиҳау аҵараиурҭақәа рҭаларазы абитуриентцәа рҭаҩра иалагеит.
Ԥхынҷкәын 23 рзы аусура иалагеит апортал ГИС "ОРФИ".
Абитуриентцәа анаҩстәи ашьаҿақәа ирхысроуп:
рхала апротал аҿы рыҽҭарыҩроуп,
анкета хадырҭәаароуп,
афото ҭаргалароуп,
арыцхәи рнапынҵамҭеи ықәдыргылароуп,
арзаҳал иацырҵароуп ртәылауаҩшәҟәқәа рскан-хкьыԥхьаақәа, рҵаразы адокумент аскан (мамзаргьы аҵара аамҭас изҭоу азы аилыркаага),
акандидат ихатәы дыррақәа аус рыдуларазы иақәшаҳаҭра аскан,
ГИС "ОРФИ" ала ихарҭәаау анкета анашьҭра.
Арзаҳалқәа ралаҵара хыркәшахоит жәабран 20 2023 шықәса рзы.
2023-2024-тәи аҵарашықәс азы Урыстәыла ауниверситетқәа ирҭалар рылшоит 20-ҩык иреиҳаны ҵыԥх аасҭа. Зынӡа аԥсуа абитуриентцәа рзы иалкаауп 110 ҭыԥ.