АҞӘА, ԥхынҷкәын 28 - Sputnik. Урыстәылатәи аруаа Донецк иалахысуаз УАМ артиллериатә системақәа ҩба М77, агаубица FH-70 ҭадырхеит ҳәа аанацҳауеит Атәылахьчара аминистрра.
Северск иахьаҵанакуа иҭархоуп РСЗО "Град" амашьынақәа хԥа, Петропавловкеи, Берестовои, Чернобаевкеи иахьрыҵанакуа иҭархоуп агаубицақәа хԥа - "Мста-Б", Георгиевкеи Маринкеи иахьрыҵанакуа - агаубицақәа Д-20, Д-30.
Аусбарҭа иаанацҳауеит Урыстәыла аракетатә ари артиллериеи уахыки-ҽнаки рыла иҭадырхеит УАМ анапхгараҭаратә ҭыԥқәа хәба, 72 артиллериатә ҟәшеиҵа, ари атехникеи 97 раион рҿы, аџьаԥҳани аибашьыга техникеи рышьҭаҵарҭа Запорожиатәи аобласт аҿы.
Купиансктәи ахырхарҭаҟны урыстәылатәи аруаа иҭадырхеит 30-ҩык украинатәи аибашьцәа, акәылӡмашьынақәа хԥа, амашьынақәа ҩба.
Красно-Лимантәи ахырхарҭаҿы урыстәылатәи артиллериа иҭадырхеит 25-тәи аҳаир-десанттә гәыԥ атактикатә ротақәа ԥшьба, 80-тәии 95-тәии адесант-жәыларатә гәыԥқәа ррота, аҵакырахьчара 103-тәи абригада арота.
Уахыки-ҽнаки рыла иҭархоуп 170-ҩык аруааи акәылӡтранспартиорқәа ҩбеи, апикапқәа ԥшьбеи.
Донецктәи ахырхарҭаҿы иҭархоуп 80-ҩык аибашьцәа, танкк, акәылӡмашьынақәа ԥшьба, автомашьынақәа ԥшьба.
Алада-Донецктәи ахырхарҭаҿы ааха рыҭоуп УАМ аибашьцәеи қьырала еибашьуеи амеханизациа зызуу 72-тәи абригадақәа. Убри аан иҭархоуп 70-ҩык УАМ аибашьцәеи Владимировка иаарԥшыз адиверсантцәа ргәыԥи иара убасгьы акәылӡмашьынақәа хәба, апикапқәа ҩба.