АҞӘА, ԥхынҷкәын 29 - Sputnik, Асмаҭ Ҵәыџьԥҳа. Апарламент "Аныҳәатәи агәалашәаратәи мшқәа рзы" азакәан аҵыхәтәантәи аԥхьарала аиҭакрақәа аланагалеит.
Адокумент инақәыршәаны ԥхынҷкәын 31, ажьырныҳәа 1-6, 8 иԥсшьарамшу ныҳәатә мшқәахоит.
Ажьырныҳәа 7 ԥсшьарамшны ишыҟоу иҟоуп.
Адокумент иазԥхьагәанаҭоит ажьырныҳәа 14 рзы иазгәарҭо "Адунеи аҿиара амш" "Аԥсуаа итрадициатәу рдинтә ныҳәа" ҳәа аԥсахра.
Кәырбанныҳәа уажәшьҭарнахыс аныҳәанӡа амзар мшқәа жәаба рҟынӡа шыбжьоу ирылаҳәахоит.