АҞӘА, ажьырныҳәа 5 - Sputnik. Урыстәыла ахада Владимир Путин атәылахьчара аминистр Сергеи Шоигу анапынҵа ииҭеит ажьырныҳәа 6 асааҭ 12:00 инаркны ажьырныҳәа 7 асааҭ 24:00 нӡа аибашьра ацәаҳәақәа зегь рыҟны ахымца аанкылазарц ҳәа аанацҳауеит Кремль апресс-маҵзура.
"Аԥшьацқьа апатриарх Кирилл иааԥхьара азгәаҭаны, Урыстәылатәи Афедерациа атәылахьчара аминистр инапы ианысҵоит ажьырныҳәа 6 асааҭ 12:00 инаркны ажьырныҳәа 7 асааҭ 24:00 нӡа Украина аибашьра ацәаҳәақәа зегь рыҟны аганқәа ахымца ааныркыларц", - ҳәа аҳәоит адырраҭараҿы.
Кремль украинатәи аган аанаԥхьеит ахымца аанкылара рыланаҳәарц, уи алагь Ақьырсиан иашахаҵаратә дин ныҟәызго ауаа Қьырсаныҳәазтәи анцәа имҵаныҳәараз ауахәамақәа ирҭаарцаз алшара рыҭара.