АҞӘА, ажьырныҳәа 10 - Sputnik. Шьамтәыла иҟоу Аԥсны аусқәа аамҭалатәи агәрага Муҳаммед Али диԥылеит Шьамтәылалатәи ареспублика аҟны иҟоу Иемен ацҳаражәҳәарҭа абжьгаҩ Али Аль-Хаими. Абри атәы аанацҳауеит Аԥсны ААР апресс-маҵзура.
Аль-Хаими еиҭеиҳәеит Иеимен аҭагылазаашьа зеиԥшроу, еиҳарак азҿлымҳара аиҭеит иементәи агуманитартә досие.
Муҳаммед Али иганахь ала агәрагара ааирԥшит, иаарласны Иемен аҭынчра ашьақәгылареи агуманитартә ҭышәнартәалареи шьақәгылахап ҳәа. Аԥсны аусқәа аамҭалатәи агәрага дазааҭгылеит ареспубликаҟны адәныҟаполитикатә ҭагылазаашьа атәы.
Иемен Аԥсни иареи рхьыԥшымрақәа еицазхарҵарц, адипломатиатә еизыҟазаашьақәа рыбжьарҵарц ажәалагала ҟанаҵеит.