АҞӘА, ажьырныҳәа 12 – Sputnik. Апрокуратура хада Аԥсны аихамҩа аусзуҩ Реваз Ҳараниа иус Аҟәатәи ақалақьтә ӡбарҭахь инанашьҭит. Абри атәы аанацҳауеит апрокуратура хада асаит.
Ашьаус хацыркуп агәҽанымзаара иахҟьаны ауаҩы иԥсра зыхҟьаз аџьа ахьчара аԥҟарақәа реилагара афакт азы "Аԥсны Ашьаустә закәанеидкыла ахәҭаҷ 140 ахәҭа 2). Ҳараниа идырҵо ахара дақәшаҳаҭуп.
Аус аматериалқәа рыла, мшаԥы 27 2022 шықәса рзы "Аԥсныеихамҩа" афымцеиқәыршәаҩцәа рбригада игәарҭон Алада Ешыра ақыҭан иҟоу атоннель №16 аҿы аимадаратә ҳа, ирыԥсахраны иҟан "Афон ҿыц - Ешыра" рыбжьара ацәаҳәақәа.
Реваз Ҳараниа аусуратә ԥҟарақәа дрықәымныҟәаӡеит- афымцеиҿкааҩцәа дырхыламԥшӡеит, аҭыԥ аҿы аимадаратә ҳаҿы ишьақәимыргылаӡеит адгьылтә хьчагақәа, иҷыдоу амаҭәа, аимаа, ахьчагатә, аусуратә хархәагақәа риимҭаӡеит. Алхас Царгәыш аусура дшаҿыз машәыршақә афымцалашара аҿаркын аток исын, аҭыԥ аҟны дашьит.