АҞӘА, ажьырныҳәа 12 - Sputnik. Урыстәыла атәылахьчара аминистр Сергеи Шоигу аоперациа ҷыда ахьцо ар рыдҵаҟаҵаҩ ҿыцс даиҭеит АМ рыштаб хада аиҳабы Валери Герасимов. Абри атәы аанацҳауеит аусбарҭа аофициалтә Telegram-канал.
"Арратә операциа ҷыда анапхгара рыҩаӡара ашьҭыхра адҳәалоуп инагӡатәу аусқәа рырҭбаареи архәҭахкқәа еиҳа ааигәала реинырра аиҿкаареи, иара убасгьы еиҳа хра аманы ар ргәыԥқәа напхгара рыҭареи", - аҳәоит адырраҭараҿы.
Герасимов ихаҭыԥуаас рыӡбахә ҳәоуп АКМ рыдҵаҟаҵаҩ хада, аинрал Сергеи Суровикин, аршьаҟауаа рыдҵаҟаҵаҩ хада, аинрал Олег Салиуков, Аштаб хада аиҳабы ихаҭыԥуаҩ, аинрал- полковник Алексеи Ким.
Украина арратә операциа ҷыда иалагеит 2022 шықәса жәабран 24 рзы. Владимир Путин иҳәеит уи киевтәи арежим аҟынтә ауаа рыхьчара хықәкыс ишамоу, далацәажәеит Донбасс ахақәиҭтәреи Урыстәыла ашәарҭадареи ишазку.