АҞӘА, ажьырныҳәа 17 - Sputnik. Акультуратә фонд "Платформа" аҳасабырба ҟанаҵеит аҭоурыхтә арра-патриоттә проект "Кавказтәи афронт" амҩаԥысшьаз. Аҳасабырба кьыԥхьуп апроект аофициалтә саит аҿы.
Апроект Кавказ азы аибашьра 80 шықәса ахыҵра иазкуп, ауснагӡатәқәа азԥхьагәаҭоуп 2022-2023 шықәсқәа рзы.
2021 шықәсазы апроект акоманда ҩынтә Ԥсҳәы ақыҭа иаҭааит, аҭыԥқәа ҭырҵааит, ауааԥсыра ирыҿцәажәеит, иҭырхит афашист мпыҵахалаҩцәа штабс ирымаз ақыҭатә ҩны иазкны авидеоролик.
Апроект аҳәаақәа ирҭагӡаны Ԥсҳәы ақыҭан еиҿкааз аекспедициа аҭыхрақәа ирылагеит аибашьраан аӷа импыҵеихалаз ақыҭа иазкны адокументалтә фильм "14 мшы" – арежиссиор Дмитри Статеинов.
Ақыҭахь рныҟәарақәа раан апроект авторцәа аҭоурыхтә фотоцәыргақәҵеит асовет солдаҭцәа рыԥсыжырҭақәа рархеологиатә хсаалагеи рзы еизыркит аинформациа рацәа. Иазԥхьагәаҭоуп Кавказ азы аибашьраан иҭахаз, ирызку ашьхахыҵырҭа Пыв иқәыргылоу абаҟақәа ҩба реиҭашьақәыргылара. Ԥсҳәыҟа рныҟәара атәы апроект авторцәа алацәажәеит апресс-конференциаҿ, Sputnik аҟны.
Апроект аҳәаақәа ирҭагӡаны еиҿкаан астол гьыжь – атема: "Аџьынџьтәылатә еибашьра аҭоурых арԥаршеиреи ҳаамҭазтәи АИХқәа рҿы аманипулиациақәеи рҿагылара", имҩаԥган аҿартә квест "Кавказтәи афронт".
Апроект аӡбахә Аԥсны анҭыҵгьы ирдыруеит. 2021 шықәса ԥхынҷкәынмзазы иӡырган Жәларбжьаратәи арра-ҭоурыхтә форум аҿы, 2022 шықәса абҵарамзазы – астол гьыжь "Урыстәыла арратә хьӡыԥша ашьҭрақәлаҩцәа" аҿы "Москватәи амилаҭқәа рыҩнаҟны".
2023 шықәсазы иазԥхьагәаҭоуп Кавказ азы аибашьра 80 шықәса ахыҵра иазку ауснагӡатәқәа.