АҞӘА, ажьырныҳәа 19 – Sputnik, Бадраҟ Аҩӡба. Аминистрцәа реилазаара ишьақәнарӷәӷәеит ахықәкытә программа 2023 шықәсазы "1992-1993 шықәсазтәи Аԥсны Аџьынџьтәылатә еибашьар аинвалидцәа рмедицинатә реабилитациаз ".
Апрограмма анагӡара иалнаршароуп аинвалидцәа рҭагылазаашьа аиӷьтәра, 20 протез ауаҭәаз, 100 протезк ашьыргәыцә азы раахәара.
Апрограмма хықәкыс иамоуп аинвалидцәа ргәабзиара ашьақәыргылараз аҭагылазаашьақәа раԥҵара, Ареспубликатә агәабзиарашьақәыргыларатә центр аныхратә материалқәа рыла аиқәыршәара.