АҞӘА, ажьырныҳәа 23 – Sputnik, Асмаҭ Ҵәыџьԥҳа. Ареспублика аковид ҟәшақәа рҿы астационартә хәышәтәра 2022 шықәса аҩнуҵҟа иахысит 1520-ҩык ҳәа иҳәеит Агәабзиарахьчара аминистр ажьырныҳәа 23 рзы имҩаԥигаз апресс-конференциаҟны.
Шықәсык ала акоронавирус иахҟьаны рыԥсҭазаара иалҵит 146-ҩык. 2022 шықәсазы иаарԥшын 19 872 коронавирус хҭыс, алаҵаҟаҵара иахысит 20 000-ҩык.
Быҭәба иҳәеит сынтәа, ажьырныҳәа фба аахыс COVID-19 шазгәаҭам, Гәдоуҭатәи агоспиталь аҿы апациентцәа шыҟам.