АҞӘА, ажьырныҳәа 23 - Sputnik. Урыстәылатәи аруаа Донецктәи Жәлар Рреспубликаҿы аиланхарҭа Краснополие ахы иақәиҭыртәит ҳәа аанацҳауеит Атәылахьчара аминистрра.
Донецктәи ахырхарҭаҿы уахыки-ҽнаки рыҩныҵҟа уа иҭархоуп 60-ҩык украинатәи аруаа, акәылӡмашьынақәа ҩба, аршьаҟауаа рмашьынақәа хԥа, агаубицақәа "Мста-Б", Д-30, иара убасгьы арадиолокациатә станциа AN/TPQ-50 (ЕАА).
Купиансктәи ахырхарҭаҿы ааха рыҭоуп УАМ амеханизациа зызуу 14-тәии 92-тәии абригадақәа, иҭархоуп 40-ҩык инареиҳаны украинатәи аруаа, автомашьынак.. Красно-Лимансктәи ахырхарҭаҿы ааха рыҭоуп 80-тәии 95-тәии адесант-жәыларатә бригадақәа, иҭадырхеит 70-ҩык аибашьцәа, акәылӡмашьынақәа ԥшьба, арадиолокациатә станциақәа AN/TPQ-37, AN/TPQ-50 (ЕАА).
Запорожиатәи ахырхарҭаҿы иҭархоуп 30-ҩык аибашьцәа, х-автомашьынак, аицҭырҟьаратә реактивтә система "Град" амашьына.
Днепропетровсктәи ахырхарҭаҿы ааха аҭоуп 107-тәи ареактив- артиллерийатә бригада агыларҭа, иқәыцҟьаауп аицҭырҟьаратә америкатә реактивтә система "HIMARS" аекипажи иареи, автомашьынақәа ҩба.
Аоператив-тактикатә авиациеа, аракетатәи артиллериатәи ар иҭадырхеит УАМ 63 артиллериатә ҟәша, 97 раион рҿы аруааи арратә техникеи. Аусбарҭа адыррала ПВО ахархәагақәа икарыжьит аԥырҩы дызҭам ахархәагақәа хԥа, 14 реактивтә хгәыцә (асистема HIMARS).
Урыстәыла атәылахьчара аминистрра адыррақәа рыла, арратә аоперациа иалагазар ааха рыҭоуп: 376 ҳаирплан, 203 вертолиот, 2934 аԥырҩы дызҭам ахархәагақәа, 401 зенит-ракетатә комплекс, 7607 атанкқәеи акәылӡмашьынақәеи, 987 ареактив-систематә машьынақәа, 3893 артиллериеи аминаршәгеи рыхгәыцәқәа, 8153ак иҷыдоу автомобилтә техника.