АҞӘА, ажьырныҳәа 24 – Sputnik. Аԥсны ашьапылампыл азы Афедерациа ахада Ҭарашь Ҳагба аҿари аспорти русқәа рзы Аҳәынҭеилакы аиҳабыс дҟаҵоуп ҳәа аанацҳауеит атәыла ахада ипресс-маҵзура.
Атәыла ахада Аслан Бжьаниа уи азын аусԥҟа инапы аҵаиҩит ажьырныҳәа 23 рзы.
Ҭарашь Ҳагба диит 1991 шықәсазы. Аспорт азҟаза, "Ахьӡ-аԥша" аорден III аҩаӡара ианашьоуп амилаҭтә команда ConIFA-2016 аверсиала адунеи ианачемпионхаз.
2021 шықәса хәажәкырамза аахыс Аԥсны ашьапылампыл азы Афедерациа ахадас дыҟан.