АҞӘА, ажьырныҳәа 24 - Sputnik. Аԥсны Аҳәынҭавтоинспекциа Telegram аҟны ахатәы канал аусура иалагеит ҳәа аанацҳауеит Аҩнуҵҟатәи аусқәа рминистрра апресс-маҵзура, Аҳәынҭавтоинспекциа Аусбарҭа аиҳабы Баҭал Агрба иажәақәа шьаҭас иҟаҵаны.
"Анапаҵаҩцәа ироуеит алшара, иаарласны аусбарҭа аусураҿтәи акыр зҵазку ажәабыжьқәа, аиҳабыра ирыдыркыло аӡбрақәа раҳара, аоперативтә дыррақәа рбара, амашьынарныҟәцаҩцәа рзы абжьгарақәа, азакәан аҿы аиҭакрақәа, амҩатә ԥҟаррақәа уҳәа рдырра", - ҳәа еиҭеиҳәоит Агрба.
Аканал аҿы иара убасгьы иддырбалоит амҩаҿ аныҟәара иалахәу ршәарҭадара иазырхоу асоциалтә ӡыргара, аусбарҭа аусураз авидеоқәа.