Арҽеиратә усурақәа мҩаԥысуеит абизнес знапы алаку иҟарҵаз ацхыраареи араионтә биуџьет аҟынтәы иазоушьҭу аԥарақәа рыла, ҳәа азгәеиҭеит аиҿцәажәараҿы Аҩӡба.
"Ақалақь амҩаду хадаҿы Ҭырқәтәылантәи иаагаз апальмақәа еиҭаҳан араион аҿы инхо абизнес знапы алаку аҷкәынцәа иҟарҵаз ацхыраара ала. Араионтә биуџьет аҟынтә иазгәаҭан иҟан ақалақь аҿы игылоу иҭахаз аибашьцәа ргәалашәаразы абаҟа акәша-мыкәша аиҭашьақәыргыларатә усурақәа рымҩаԥгара, урҭ шьҭа ихыркәшоуп. Иара уи адагьы, апарк аҿы аршьаҟауаа рзы амҩақәа еиҭаҟаҵан, уи анаҩс аҵара аусбарҭа ахьыҟоу ахыбра азааигәара аӡыршә еиҭашьақәыргылан", - еиҭеиҳәеит Аҩӡба.
Гәдоуҭа араион ахада ихаҭыԥуаҩ иҳәеит, ақалақь ариаҵәаразы еиҭа иазгәаҭоу аусурақәа ртәы.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.