Аблоҭиа иазгәеиҭеит аицлабра хԥа-ԥшьба хәҭаны ишшахо, уи иалахәхо ажиури ирыдыргалароуп иааркьаҿны русумҭақәа зызкхо атәы реилзыркаауа аҭахҳәага, анаҩс асценари рыдыргалоит (хымз аҿҳәара рырҭоит уи азы), уи ашьҭахь аҭыхрақәа ирылагоит (ԥшьымз ҿҳәарас ирымоуп).
"Афильмқәа хԥа ҳадаҳкылоит. Акы - адокументалтә акәхоит, фба - асахьаркыратә фильмқәа иуҭахзаалак ажанр иақәшәо. Амала дара аибашьра, уи ашьҭахь иҟаз аԥсҭазаара уҳәа ирыдҳәалазароуп тематикала. Адокументалтә фильм ҭызхуа 14 шықәса инаркны шаҟа рхыҵуазаалак ҟалоит, зметраж кьаҿу асахьаркыратә фильмқәа рзы аицлабра рхы аладырхәыр ҟалоит 14 инаркны 45 шықәсанӡа зхыҵуа", - иҳәеит Аблоҭиа.
Аицәажәара инеиҵыхны ишәаҳар шәылшоит аудиофаил аҟны хыхь.