АҞӘА, жәабран 1 – Sputnik, Бадраҟ Аҩӡба. Аԥсуа драмтә театр аҿы Достоевски ироман "Бедные люди" ала Владимир Симановски ипиеса иалху аспектакль ҿыц "Акалҭеилымх" ("Ловелас") аҽазыҟаҵарақәа рхыркәшарахь инеиуеит. Абри атәы Sputnik акорреспондент изеиҭеиҳәеит атеатр адиректор хада Алхас Чолокәуа.
"Арежиссиор-ақәыргылаҩ – Аԥсны акультура зҽаԥсазтәыз аусзуҩ, Урыстәыла зҽаԥсазтәыз артист Адгәыр Ақаҩба. Сгәы иаанагоит аспектакль ҳахәаԥшцәа иргәаԥхап ҳәа, избанзар иара аҵаки афилософиатә ҟазшьеи рыдагьы арежиссиортә дгалара ҷыда азхәыцуп. Ахәаԥшҩы ахҭысқәа дрыланархәуеит", - ҳәа иҳәеит иара.
Арежиссиор Адгәыр Ақаҩба аспектакль аҿы асахьаҭыхыҩ-ақәыргылаҩ иҟазшьалагь дықәгылоит.
"Аспектакль арежиссиор Урыстәыла атеатрқәа руак аҿгьы иқәиргылахьан. Аусурақәа активла имҩаԥысуеит", - иҳәоит Чолокәуа.
Аспектакль афырхаҵа хада ироль неигӡоит Аԥсны зҽаԥсазтәыз артист Ҭеимураз Чамагәуа, афырԥҳәыс хада – актриса Амра Начҟьебиаԥҳа. Аспектакль иара убасгьы иалахәуп Розита Ҭаниаԥҳа, Алиас Ҟалӷьы, Леон Кур-Оглы.