АҞӘА, жәабран 2 - Sputnik. Аԥыза-министр ихаҭыԥуаҩ, аекономика аминистр Кристина Озган зхадараҿы дыҟоу Аԥснытәи аделегациа Казан ақалақь аҿы аиндустриалтә парк атехнополис "Химград" иаҭааит ҳәа аанацҳауеит Аҟәа ахадара асаит.
Аделегациа алахәылацәа ирзеиҭаҳәан атехнополис "Химград" аусура, иамоу аԥыжәарақәа, иҭнажьуа аалыҵ ртәы, иара убасгьы Ҭаҭарсҭани Узбекистани рыпроект – атехнопарк "Чирчик" аусура атәы.
Уи адагьы аделегациа рҭааит аиндустриальтә парк – ИАЕ "НПП "Имплант", ИАЕ "Индустриальные Дроны". Арҭ анаплакқәа рҿы иҭрыжьуеит атитан иалху остеосинтез аимплантқәа, иҿыцу аидкыларала аԥырҩы дызҭам ахархәагақәа.