АҞӘА, жәабран 9 - Sputnik. Аԥсны азинхьчаратә усбарҭақәа русзуҩцәа уахыки-ҽнаки рыла ирбеит иагьрымырхит акриптовалиута амаининг иазку амаругақәа 150 рҟынӡа, абри атәы аанацҳауеит Аԥсны ААР апресс-маҵзура.
Гагра араион аҿы ирбеит акриптофермақәа ҩба, ақыҭақәа Ԥсахареи Алаҳаӡи, зынӡа ирымхын аппаратқәа 26.
Гәдоуҭа араион аҿы ирбеит х-фермак - Жәандәрыԥшь, Аҷандара, Афон ҿыц - ара аус руан 46 маининг.
Аҟәа ирбеит афермақәа ҩба - ара ирымхын амаруагақәа 57.
Очамчырагьы уахыки-ҽнаки рыла ирԥшааит афермақәа ҩба - зынӡа аппаратқәа 18.
Амаинингқәа хԥа рбеит Гал ақалақь аҿы.