Жәабран 10 рзы Аслан Бжьаниа абизнес-еилазаара алархәны аилацәажәара мҩаԥигеит. Уаҟа ахада иазгәеиҭеит Аԥсны аинвестициаз еиҳа иалкаау хырхарҭақәоуп атуризм, асубтропикатә қыҭанхамҩа, аенергетика, IT ҳәа.
Асовет аамҭазы Аԥсны иаадрыхуаз ачаи, аҭаҭын, ажь уҳәа иҟаз рахьынтә иахьа ирацәаны амал ахҭнымҵакәа ишьақәургылартә иҟоу ацитрус ауп ҳәа азгәеиҭеит Џьопуа аиҿцәажәараҿы.
"Есышықәса ақыҭанхамҩа аҿиаразы иазоужьу 100 миллион мааҭк азхаӡом азы иаҭахуп алагала дуқәа. Март акынӡа иазырхиатәуп апрограмма, иарбан хырхарҭоу анвестициақәа злагалатәу алхтәуп. Ҳара ҳгәаанагарала, убарҭ ируакуп ацитрус ааӡара. Амандарин аҭыԥ аҿы аус адуларазы апроцесс еиҿкаатәуп, убри рыдаҳгалоит аинвесторцәа. Ауаа раалыҵ ԥхасҭамхарцаз, икармыжьырцаз анаплакы еиҿикаар ауеит. Уи иамоу афеидеи азаралқәеи еиҿырԥшны ирыдаҳгаларц ҳгәы иҭоуп", - иҳәеит Џьопуа.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.