Аԥсны

Аслан Бжьаниа Владимир Путин Аԥсадгьыл ахьчаҩ имш идиныҳәалеит

Жәабран 23 рзы аҳәынҭқаррақәа жәпаки рҿы иазгәарҭоит Аԥсадгьыл ахьчаҩ имш.
Sputnik
АҞӘА, жәабран 23 - Sputnik. Аԥсны ахада Аслан Бжьаниа Урыстәыла ахада Владимир Путин Аԥсадгьыл ахьчаҩ имш идиныҳәалеит.
Бжьаниа инаҵшьны иазгәеиҭеит, Урыстәыла Арбџьармчқәа ркомандаҟаҵаҩ хадак иҳасабала Путин, атәыла ахьчараҿ аус ду шынеигӡо.
"Аԥсны Аҳәынҭқарра ашьақәгылареи ашәарҭадара арӷәӷәареи русхк аҟны Урыстәылатәи Афедерациа ацхыраара ахәшьара ҳаракӡоуп" - аҳәоит анашьҭымҭаҿы.
Ахада Аԥсадгьыл ахьчаҩцәа зегьы ирзеиӷьеишьеит аҭынчра, Владимир Путин – аиааира ҿыцқәеи агәабзиара зҩыдеи.