АҞӘА, хәажәкыра 7 – Sputnik, Асмаҭ Ҵәыџьԥҳа. Ацәыргақәҵа "Аԥҳәыс аҟазараҿ" мҩаԥгахоит Ацәыргақәҵатә зал хадаҿы хәажәкыра 7 аҽны ҳәа Sputnik иазеиҭалҳәеит АЗХ адиректор Ельвира Арсалиаԥҳа.
Ацәыргақәҵахь инагахоит 45 усумҭа - аҿыханҵа, аграфика, аскульптура, аҩычага ҟазара. Ара ицәыргахоит Марина Ешԥҳа, Ольга Брендель, Валентина Хәырхәмалԥҳа, Зоиа Џьынџьалԥҳа, Варвара Бубнова уҳәа русумҭақәа.
"Ацәыргақәҵахь иаагахоит ХХ ашәышықәса аҩбатәи ахәҭа инаркны иахьанӡа аус зуа аҟазацәа русумҭақәа. Ҳәарада, ари цәыргақәҵа еиҿцәажәароуп, цәыргақәҵаҭҵаароуп, цәыргақәҵазхьаԥшроуп. Сгәы иаанагоит, аҭааҩцәа иргәаԥхап ҳәа", - лҳәоит лара.
Ацәыргақәҵа аартызаауеит хәажәкыра 16 рҟынӡа. Иара еицеиҿыркааит Москва Аиҳабыра, Аҟәа иҟоу Москва Аҩны, Аԥсны Асахьаҭыхыҩцәа реидгыла, Амилаҭтә сахьатә галереиа.