https://sputnik-abkhazia.info/20230306/akulturat-afisha-aaynti-atsyrgaa-asa-rymsh-azy-akontsert-aspektakla-1044455989.html
Акультуратә афиша: ааԥынтәи ацәыргақәҵа, аҳәса рымш азы аконцерт, аспектакльқәа
Акультуратә афиша: ааԥынтәи ацәыргақәҵа, аҳәса рымш азы аконцерт, аспектакльқәа
Sputnik Аҧсны
Хәажәкыра 6-12 рзтәи акультуратә хҭысқәа рафиша. Аинформациатә маҵзуреи арадиои Sputnik Аԥсны ишәыднагалоит ареспубликаҿ иазыԥхьагәаҭо атеатртә қәгыларақәа... 06.03.2023, Sputnik Аҧсны
2023-03-06T09:47+0300
2023-03-06T09:47+0300
2023-03-06T10:01+0300
аԥсны
ажәабжьқәа
акультура
https://cdnn1.img.sputnik-abkhazia.info/img/07e6/04/01/1038434493_0:159:3076:1889_1920x0_80_0_0_950771e27553e1c1bf5fa0252540650d.jpg
Сариа Кәарацхьиаԥҳа, Sputnik Акультуратә мчыбжьы аанартуеит Аԥсуа ҿартә театр. Аԥсуа ҳәынҭқарратә аҿар ртеатр хәажәкыра 9 асааҭ 18:30 рзы иаҳнарбоит "Лхаҵкы аминистр иԥҳәыс" захьӡу аспектакль. Арежиссиор Есма Џьниаԥҳа иқәлыргылаз еснагь иактуалтәу атема змоу аспектакль аҿы иаарԥшуп амалрҳареи амчреи ирышьҭоу ауаҩы иҭоурых. Илҭахыз анлоу ашьҭахь, афырхаҵа хада илзааигәоу ауааи лареи реизыҟазаашьақәа бжьысуеит, илырҳазгьы лцәыӡуеит. Хәажәкыра 6, Фазиль Искандер иирамш аҽны, асааҭ 19:00 рзы РУСДРАМ аҿы аспектакль “Софичка” ҳдырбоит. Фазиль Искандер ироман ала ари аспектакль ықәлыргылеит арежиссиор Елена Одинцова. "Софичка" хәышықәса раԥхьагьы студенттә спектакльны иддырбахьан. Аха иахьа ақәыргыламҭа даҽа бжьык, даҽа цәак ахоуп. Хәажәкыра 8 асааҭ 19:00 рзы - акомедиа "Примадонны". Уи аҟны иаарԥшуп рбаҩхатәра рхы иархәаны атәым мазара зтәызтәырц зҭаху ҩыџьа аусурҭа змам актиорцәа рҭоурых. Хәажәкыра 9 асааҭ 19:00 рзы – Флориан Зеллер ипиесала иқәыргылоу аспектакль "Мама". Асценаҿ иаартхоит аҭаацәеи ахшареи реизыҟазаашьақәа, ан лыбзиабара ҵаула, аб иашҭа нзыжьуа абиԥара ҿа реизҳара. Хәажәкыра 11 асааҭ 19:00 рзы – “Солиарис”. Арежиссиор – Женовач иҵаҩы, Искандер ихьӡ зху арежиссиортә лабораториа алахәыла Артиом Устинов. Аинтеллектуалтә спектакль ухы-угәы уҭанархәыцуеит, иуаҩсхьоу аамҭахь уархынҳәуеит. Хәажәкыра 12 асааҭ 15:00 рзы иҟалоит ахәыҷтәы спектакль "Алакәтәыла Оз аҟынтә ахынҳәра". Арежиссиор-ақәыргылаҩ - Џьамбул Жорданиа. Жорданиа иҩит аинсценировка, амузыка, ашәақәа. Ацәыргақәҵатә зал хадаҿы хәажәкыра 7-16 рзы имҩаԥысуеит ацәыргақәҵа “Женщины в искусстве. История и современность”. Аекспозициа иалахәуп аԥсуа сахьаҭыхыҩцәа аҳәсақәа русумҭақәа. Хәажәкыра 7 асааҭ 19:00 рзы афилармониаҟны имҩаԥгахоит аԥсуа естрада артистцәа рконцерт. Хәажәкыра 9 асааҭ 19:00 рзы Аԥсуа драматә театр аҿы иқәдыргыло Достоевски ироман "Бедные люди" ала Владимир Симановски ипиеса иалху аспектакль ҿыц абзиабареи, аԥареи, амчреи ирызкуп. Арежиссиор-ақәыргылаҩ – Урыстәыла зҽаԥсазтәыз артист Адгәыр Ақаҩба.
https://sputnik-abkhazia.info/20221209/sofichka-akharbara-iazkyz-apress-konferentsia-maysit-aa-1043043883.html
https://sputnik-abkhazia.info/20230215/agkhykhi-auaa-arei-raama-aspektakl-yts-iazkny-1044152830.html
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, акультура
Акультуратә афиша: ааԥынтәи ацәыргақәҵа, аҳәса рымш азы аконцерт, аспектакльқәа
09:47 06.03.2023 (ирҿыцуп: 10:01 06.03.2023) Хәажәкыра 6-12 рзтәи акультуратә хҭысқәа рафиша. Аинформациатә маҵзуреи арадиои Sputnik Аԥсны ишәыднагалоит ареспубликаҿ иазыԥхьагәаҭо атеатртә қәгыларақәа, афилармониатәи аестрадатәи концертқәа, ацәыргақәҵақәа.
Сариа Кәарацхьиаԥҳа, Sputnik
Акультуратә мчыбжьы аанартуеит Аԥсуа ҿартә театр. Аԥсуа ҳәынҭқарратә аҿар ртеатр хәажәкыра 9 асааҭ 18:30 рзы иаҳнарбоит "Лхаҵкы аминистр иԥҳәыс" захьӡу аспектакль. Арежиссиор Есма Џьниаԥҳа иқәлыргылаз еснагь иактуалтәу атема змоу аспектакль аҿы иаарԥшуп амалрҳареи амчреи ирышьҭоу ауаҩы иҭоурых. Илҭахыз анлоу ашьҭахь, афырхаҵа хада илзааигәоу ауааи лареи реизыҟазаашьақәа бжьысуеит, илырҳазгьы лцәыӡуеит.
Хәажәкыра 6, Фазиль Искандер иирамш аҽны, асааҭ 19:00 рзы РУСДРАМ аҿы аспектакль “Софичка” ҳдырбоит. Фазиль Искандер ироман ала ари аспектакль ықәлыргылеит арежиссиор Елена Одинцова. "Софичка" хәышықәса раԥхьагьы студенттә спектакльны иддырбахьан. Аха иахьа ақәыргыламҭа даҽа бжьык, даҽа цәак ахоуп.
Хәажәкыра 8 асааҭ 19:00 рзы - акомедиа "Примадонны". Уи аҟны иаарԥшуп рбаҩхатәра рхы иархәаны атәым мазара зтәызтәырц зҭаху ҩыџьа аусурҭа змам актиорцәа рҭоурых.
Хәажәкыра 9 асааҭ 19:00 рзы – Флориан Зеллер ипиесала иқәыргылоу аспектакль "Мама". Асценаҿ иаартхоит аҭаацәеи ахшареи реизыҟазаашьақәа, ан лыбзиабара ҵаула, аб иашҭа нзыжьуа абиԥара ҿа реизҳара.
Хәажәкыра 11 асааҭ 19:00 рзы – “Солиарис”. Арежиссиор – Женовач иҵаҩы, Искандер ихьӡ зху арежиссиортә лабораториа алахәыла Артиом Устинов. Аинтеллектуалтә спектакль ухы-угәы уҭанархәыцуеит, иуаҩсхьоу аамҭахь уархынҳәуеит.
Хәажәкыра 12 асааҭ 15:00 рзы иҟалоит ахәыҷтәы спектакль "Алакәтәыла Оз аҟынтә ахынҳәра". Арежиссиор-ақәыргылаҩ - Џьамбул Жорданиа. Жорданиа иҩит аинсценировка, амузыка, ашәақәа.
Ацәыргақәҵатә зал хадаҿы хәажәкыра 7-16 рзы имҩаԥысуеит ацәыргақәҵа “Женщины в искусстве. История и современность”. Аекспозициа иалахәуп аԥсуа сахьаҭыхыҩцәа аҳәсақәа русумҭақәа.
Хәажәкыра 7 асааҭ 19:00 рзы афилармониаҟны имҩаԥгахоит аԥсуа естрада артистцәа рконцерт.
Хәажәкыра 9 асааҭ 19:00 рзы Аԥсуа драматә театр аҿы иқәдыргыло Достоевски ироман "Бедные люди" ала Владимир Симановски ипиеса иалху аспектакль ҿыц абзиабареи, аԥареи, амчреи ирызкуп. Арежиссиор-ақәыргылаҩ – Урыстәыла зҽаԥсазтәыз артист Адгәыр Ақаҩба.
