АҞӘА, хәажәкыра 8 - Sputnik. Аԥсны ахада Аслан Бжьаниа аҳәса-аҳақьымцәа "Ахьӡ-аԥша" аорден ахԥатәи аҩаӡара ранашьаразы Аусԥҟа инапы аҵеиҩит. Абри атәы аанацҳауеит атәыла ахада ипресс-маҵзура.
Агәабзиарахьчара аусхк аҟны рлагалеи рылшамҭақәеи рзы аҳәынқарратә ҳамҭақәа ранашьоуп Аҟәатәи ақалақьтә хәышәтәырҭа акардиологиатә ҟәша аиҳабы Лиудмила Оҭырбеи, аҳақьым-акардиолог Инга Ԥиԥиеи.
Иара убас "Ахьӡ- аԥша" ранашьан Гәдоуҭатәи ахәшәтәырҭа аҳақьым-анеонатолог Нонна Ҳалбади, Аҟәатәи ақалақьтә хәышәтәырҭа аҳақьым-атерапевт Лада Чубукови.