АҞӘА, хәажәкыра 14 - Sputnik. Ауаажәларра реидкылареи реиқәыршәареи аҭахуп, иаҳҿагылоу уи рбоит, усҟан ауп арратә аоперациа ҷыдаҟны аиааира анаҳго, абри азы аҳәамҭа ҟаиҵеит Владимир Путин Улан-Удетәи авиациатә зауад данаҭаа.
"Аҭынчреи аҭышәынтәалареи ҟаларц азы ҳауаажәлар еидкылатәуп, ҳаӷацәа ҩнуҵҟала ҳшеидкылоу, ҳшыӷәӷәоу, ҳшеидгылоу рбароуп, усҟан ауп ҳаззықәԥо аныҟало", - иҳәеит Путин.
Путин иазгәеиҭеит акыр шҵуа Мраҭашәара Украина анационализм дырбжкоижьҭеи.
"Украина ароль ҷыда аман, ҭоурыхла ус ишьақәгылеит, уи шыҟалаз уажәы салалан исҳәом, аха 19-тәи ашәышықәсазы анационализм аҿиара иалагеит, мраҭашәаратәи атәылақәа уи дырбжкон, Актәи Адунеизегьтәи аибашьраан Польша ала иалагеит, анаҩс Австро-Венгриа. Урыстәыла амчқәа кәадахарцаз еимырҵәон. Уи адацқәа ҵаулоуп", - иҳәеит Путин.
Урыстәыла ахада иҳәеит Аҩбатәи Адунеизегьтәи аибашьра ашьҭахь, Адольф Гитлери аноцистцәеи аус рыцызуаз Европаҟа ишцоз, еиҳарак Украинантәи ЕАА, Канадаҟа.