АҞӘА, хәажәкыра 21 - Sputnik. Аԥсны ахада Аслан Бжьаниа дидикылеит абокс азы Урыстәыла ачемпион ихьӡ иаԥсахаз Баҭал Ҷежьиа, ииааирагьы идиныҳәалеит ҳәа аанацҳауеит ахада ипресс-маҵзура.
Атәыла хада иажәақәа рыла, Баҭал Ҷежьиа ииааира абокс аспорт хкы ахь ахәыҷқәа рызҿлымҳара шьҭнахыр алшоит.
Аспорсмен иазыҟаҵаҩ Алик Карди-оглы иажәақәа рыла, Ҷежьиа еиԥш аиааирақәа згәы ацԥыҳәуа аспортзалқәа рахь инеиуа ахәыҷқәа рхыԥхьаӡара иацлеит.
Баҭал Ҷежьиа – ИАРи аславиан тәылақәеи рчемпион ититул имоуп ажурнал "Про Бокс" аверсиала. Апрофессионалтә ринг аҿы 17 еиԥылара мҩаԥигахьеит. Урҭ рҟынтәи 12-нтә даиааит, 2-еиҭахарак имоуп, 3-нтә даҵахеит.
Баҭал Ҷежьиа абокс азы Урыстәыла ачемпион ихьӡ даԥсахеит, Мурад Далхаев техникатә нокаутла дииааины. Аспортсмен ииааира Аԥсны Аџьынџьтәылатә еибашьра аветеранцәеи иҭахаз ргәалашәареи ирзикит.