АҞӘА, хәажәкыра 21 - Sputnik. Китаитәи Жәлар Рреспублика ахада Урыстәыла аԥыза-министр Михаил Мишустин даниԥылоз иеиҳәеит Владимир Путин Китаи даҭаарц дышнеиԥхьаз. Абри атәы аанацҳауеит РИА Новости.
"Иацы официалла атәыла ахада Владимир Путин изыманшәалоу аамҭазы Китаи даҭаарц ааԥхьара исҭеит", - иҳәеит иара, иагьазгәеиҭеит сынтәа Китаи ишымҩаԥгахо ахԥатәи жәларбжьаратәи афорум "Один пояс - один путь". Уаанӡатәи ҩ- форумк Путин дрылахәын.
Ари афорум ахь иара убасгьы днеиԥхьеит Михаил Мишустин.
Урыстәыла аԥыза-министр Михаил Мишустин иҳәеит Москва Китаи аус ацура, анырра аинтерес шрымоу, иахьатәи реизыҟазаашьа аҩаӡара ҳарак шамоу.
Си Цзиньпин Москва днеит ашәахьа, хәажәкыра 20 рзы. Аҩтәылак рнапхгаҩцәа реиԥылара тет-а-тет имҩаԥысит.
Си Цзиньпин Урыстәыла иусуратә ҭаара амш хада ҳәа иазгәаҭоуп иахьа, хәажәкыра 21. Имҩаԥгахоит аофициалтә еиԥылара, еиуеиԥшым аформатқәа рыла аиҿцәажәарақәа, АИХ-қәа рзы аҳәамҭақәа, аҳәынҭқарратә шьыбжьхьа.