АҞӘА, мшаԥы 4 - Sputnik. Белоруссиатәи авиациа аҳаирпланқәак аиадертә бџьар ала ааха ҟарҵартә аҭагылазаашьа рыҭоуп ҳәа иҳәеит Арбџьармчқәа рыдҵаҟаҵаҩцәа реилацәажәараан Атәылахьчара аминистр Сергеи Шоигу.
"Белоруссиатәи авиациа аҳаирпланқәак еибыҭоуп аиадертә бџьар ала аӷа иобиектқәа рганахь ала ааха ҟарҵартә", - ҳәа иҳәеит Урыстәыла Атәылахьчара аминистр Сергеи Шоигу.
Уи адагьы белоруссиатәи ар ирыҭоуп акомплекс "Искандер-М", аиадертә ракетақәа зхы иазырхәар алшо.
Хәажәкыра анҵәамҭаз Владимир Путин аҳәамҭа ҟаиҵеит Москвеи Мински Белоруссиа атактикатә иадертә бџьар аргыларазы ишеицәажәаз. Иара иҳәеит, ари жәларбжьаратәи ахыдҵақәа шеиланамго, абџьар аҭара шакәым иаанаго. Пхынгәы 1 азы аҵәахырҭа аргылара хыркәшахоит.