Аҳҭнықалақьаа аиааира го иааиуеит: "Нарҭи" "Афони" рыхәмарра

Ахәмарра аламҭалаз х-турк рылҵшәақәа рыла "Нарҭ" иаман 9 кәаталак, "Афон" - 5. Аҟәатәи акоманда атурниртә таблица аханы игылоуп, уи анаҩс ицоит "Гагра" 6 кәаталак рыманы.

"Нарҭ" иаман алшара аԥыжәара иамоу аихаҳара, асасцәа ракәзар - урҭгьы ирылшон атаблицаҿы рҭыԥ аиӷьтәра.

Ари ахәмарраан "Нарҭ" ахәмарцәа рхы бзианы иаадырԥшит, аиааира ргеит 2:0 ҳәа. Убас ала, аҳҭнықалақь акоманда аиааирақәа го ишааиц иааиуеит, ԥшь-турк рышьҭахь 12 кәатал рымоуп, актәи аҭыԥ аҿы игылоуп.

"Афон" ахԥатәи аҭыԥ аҿы игылоуп 5 кәаталак рыманы, аха убриаҟараҵәҟьа кәатала змоу гәдоуҭатәи "Риҵа" алшара амоуп аԥшьбатәи атур аҟны актәи ахәмарраан аиааира ганы атаблицаҿы аҩбатәи аҭыԥ ахь ахалара.

1 / 12

"Нарҭи" "Афони" еиԥылеит Аԥсны ашьапылампыл азы Асуперлига аԥшьбатәи атур аан.

2 / 12

Урҭ рыхәмарра мҩаԥысуан аҳҭнықалақь астадион "Динамо" аҿы.

3 / 12

Ахәмарра аламҭалаз х-турк рылҵшәақәа рыла "Нарҭ" иаман 9 кәаталак, "Афон" - 5.

4 / 12

"Нарҭ" иаман алшара Асуперлигаҿ аԥыжәара иамоу аихаҳара.

5 / 12

Ахәмарцәа иалашыҩкны ампыл иашьҭан.

6 / 12

"Нарҭ" амба аҿаԥхьа ишәарҭаз аҭагылазаашьақәа ыҟан, аха амбахьчаҩ мпылкгьы ивымшәеит.

7 / 12

"Нарҭ" ахәмарҩы дыԥан, ампыл хыла дасны иҩыза иҭара илшеит.

8 / 12

Ари аиԥылараан аҳҭнықалақьаа афонаа иреиӷьхеит.

9 / 12

"Нарҭ" аиааит 2:0 ҳәа.

10 / 12

Убас ала, дара сынтәатәи Асуперлигаҿы актәи аҭыԥ рыманы ишааиц иааиуеит.

11 / 12

Ачемпионат ԥшь-турк рышьҭахь дара ирымоуп 12 кәатала.

12 / 12

Урҭ ирышьҭахх иааиуеит "Гагра", макьана 6 кәаталак рымоуп, аха аԥшьбатәи атур аҿы макьана имыхәмарӡацт.