АҞӘА, мшаԥы 6 - Sputnik. Урыстәыла ахада Владимир Путин Аԥсны ахада Аслан Бжьаниа 60 шықәса ихыҵра идиныҳәалеит ҳәа аанацҳауеит ахада ипресс-маҵзура.
"Урыстәыла шәара шәырдыруеит ҳтәылақәа рыбжьара аиҩызареи астратегиатә еизыҟазаашьақәеи рырӷәӷәара адгылаҩык иаҳасаб ала. Сақәгәыӷуеит аҩызара зыбжьоу Урыстәылеи Аԥсни рыжәларқәа реизҳазыӷьаразы аԥхьаҟагьы хырҳара злоу ҳицәажәареи аусеицуреи", - ҳәа аҳәоит адныҳәалараҿы.
Урыстәыла ахада аԥснытәи иколлега изеиӷьеишьеит агәабзиара ӷәӷәа, ақәҿиарақәа, аҳәынҭқарратә ус аҟны аихьӡарақәа.