Абаҳчааӡаҩ Гарри Киут аиҿцәажәараҿы иҳәеит аҵла ахәшәтәразы иарбан усмҩаԥгатәқәоу иҟаҵатәыз шидырыз атәы.
"Сгы иснарҳәоит иҟаҵатәу, Анцәа иҟынтә. Уамхаҵәыуартә иҟоуп… Аҳәара уадаҩуп иҟалаз ахҭыс атәы. Лыхны ҳаннеи иснарбеит иҟаҵатәу, аҷкәынцәа аихаӡақәа арымҭазҭгьы ҳнеиаанӡа, аԥша асызгьы икаҳауан. Аҩадахьшәа амахә хҵәаны, уи ацәа амахны ишәаны изаны, иҭасаны иҟаҳҵеит. Аҵла аҭыԥан иҟоуп, имҵысӡеит, иара аӡы иалоу ацхеиԥш иҟоуп, ишьыхны иҟанаҵоит. Аҩнуҵҟа абетон ала иҭарҭәоуп, аихаӡақәа рыла еибаркуп, уи ауп аҵлагьы зку", - ҳәа еиҭеиҳәеит Киут.
Иара иазгәеиҭеит, даҽа аамҭанык акәызҭгьы аҵла еиқәымхар шауаз, уажәы аҵла аӡы алалахьеит, жәамш рышьҭахь иаабоит, аҭәаҵла еиқәхо еиқәымхо ҳәа иҳәеит Киут.
Лыхны ақыҭа анхаҩы Дмитрии Шәманиа иҳәеит аҵла аиқәырхаразы уаҳа даҽа гәаанагарак шыҟамыз, иаҭахыз зегьы шыҟаҵаз.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.