АҞӘА, мшаԥы 11 - Sputnik. Иҭоурыхтә ҭыԥу Лыхнашҭатәи аҭәаҵла аԥхасҭа аҭара иалахәын ҳәа агәазҩара ззыҟоу ҩыџьа ауаа аанкылоуп ҳәа атәыла хада адырра ииҭеит Аԥсны АШәМ ахантәаҩы Роберт Киут.
Иаанкылоу Аԥсны иатәылауаауп, қәрала 40 шықәса ирҭысхьеит.
Азинхьчаҩцәа еиуеиԥшым агәаанагарақәа рымоуп, атәыла анҭыҵтәи амаҵзура ҷыдақәа ралахәреи, џьоукы атәылаҿы аҭагылазаашьа ашьақәҟьара рҽазышәареи реиԥш иҟақәоу.
Иаарԥшу аматериалқәа ишьақәдырӷәӷәоит арҭ ауаа ацәгьоура иалахәуп ҳәа иҳәеит Киут.
Еилкаам аӡәы аҭоурых ду змоу Лыхнашҭа иқәгылаз аҭәаҵла ахьархь ала иԥиҟеит ахаша ауха. Аҭәаҵла 15 - 20 сантиметра иагәылакны иԥҟоуп. Аҭыԥантәи ауааԥсыра аихатәы хыцқәа рыла аҵла камҳаратә еиԥыршьит, аекологцәеи абаҳчааӡаҩцәеи аԥҟарсҭа ӷьарцаз аҭәаҵла ацәеи абаҳчатә цәеи еилаҵаны аҵлеиларш бжьыршьит.
Аҵарауаа ишышьақәдыргылаз ала, Лыхнытәи аҭәаҵла 147 шықәса ахыҵуеит. Аҵла 19 метра иҳаракуп, агәҭаӡа - 2 метрак, иаахыкәаршан – 6,3 метра иҟоуп.