АҞӘА, мшаԥы 11 – Sputnik. Аԥсуа номерқәа зманы афатә аалыҵ ииазго амашьынақәа аурыс-аԥсуа ҳәаа иахрыжьуа иалагеит сааҭқәак раԥхьа ҳәа "Аԥсныпресс" иазеиҭеиҳәеит Аԥсны аҳазалхратә маҵзура аиҳабы актәи ихаҭыԥуаҩ Алиас Лабахәуа.
"Урыстәылатәи ҳколлегацәеи ҳареи ҳаицәажәарақәа цоит аҳәааҟны уаанӡатәи аусура ашьақәыргыларазы", - ҳәа иҳәеит Лабахәуа.
Аҳазалхырҭа аинформациатә система аусура аиԥҟьара аԥсуа-аурыс ҳәаа аҟны адагьы, Урыстәыла егьыҭ аҳәаақәа зегьы рҟны иазгәаҭан.