АҞӘА, мшаԥы 12 – Sputnik. Аԥсны Арбџьармчқәа артиллериеи аибашьратә еиқәыршәара аҟәшақәеи аҽазыҟаҵарақәа аҩбатәи аетап мҩаԥыргоит.
Аҽазыҟаҵарақәа рыҽрыладырхәит Аҟәатәи Иреиҳаӡоу азеиԥш артә дҵаҟаҵаратә ҵараиурҭа акурсантцәеи аушьҭымҭацәеи.
Ари аетап иахықәкуп аӷа ижәылара ацәцара, аӷа иобиектқәа амца рыжәҵара.
Ҷыдала азхьаԥшра аҭоуп аӷа иԥшыхәра, аԥшыхәратә дыррақәа аус рыдулара, уахи-ҽни аԥырҩы дызҭам ахархәагақәа рыла артиллериа, аминаршәгақәа, аицҭырҟьаратә реактивтә система рхымца аиқәыршәара.