АҞӘА, мшаԥы 15 - Sputnik. Аҳәынҭинвестмаҵзура 2022-2025 шықәсқәа рзы Аԥсны асоциал-економикатә ҿиаразы аҳәынҭпрограмма аҳәаақәа иҭагӡаны инагӡахо аинвестпроектқәа ацхыраара рыҭаразы азыҳәақәа адкылара иалагеит.
Азыҳәа назышьҭыз амаругақәеи атехникеи раахәаразы ацхыраара рыҭахоит, ма ирымоу анаплакы аиҵыхразы.
Азыҳәақәа рыдыркылоит мшаԥы 14 инаркны абри аҭыӡҭыԥ ала: Аҟәа, Пушкин имҩ.16, Гәдоу-Плаза ахԥатәи аихагыла, аофис 3.3.
Ԥхынҷкәынмза 2022 шықәсазы Аԥсны Жәлар реизара 2022-2025 шықәсқәа рзы Аԥсны асоциал-економикатә ҿиара ацхырааразы Аиқәшаҳаҭра шьақәнарӷәӷәеит.
Аиқәшаҳаҭра аҳәаақәа ирҭагӡаны афинанстә цхыраара ҟаҵахоит:
Аԥсны асоциал-економикатә ҿиараз,
абиуџьеттә инвистициақәа рынагӡарази аинвистициатә усурақәа рыдгыларази.
Абиуџьеттә инвистициақәа рымҩаԥгареи аинвистициатә усура адгылареи рзы ацхыраара абарҭ аныхрақәа ирзырхахоит:
Аԥсны асоциал-економикатә ҿиара ацхырааразы аинвистициатә программақәа руснагӡатәқәа аԥара рзоужьра;
Аԥсны асоциал-економикатә ҿиаразы Апрограмма аекономика аусхкқәа аҳәынҭқарратә уснагӡатәқәа аԥара рзоужьра.