АҞӘА, мшаԥы 19 – Sputnik, Бадри Есиава. Китаитәи ахәшә ааргеит Лыхнашҭатәи аҭәаҵла ахәшәтәразы.
Аԥсны аекологиазы Аҳәынҭеилакы аиҳабы Савели Ҷыҭанаа иажәақәа рыла, ахәшә Пекинынтәи аагара мариамызт.
"Ахәшә Пекинынтәи ҳаирпланла Москванӡа иааргеит, уантәи дәыӷбала Аԥсныҟа иаарышьҭит. Акыр амҩа иқәхеит", - иҳәеит иара.
Лыхнашҭа иқәгылаз аҭәаҵла ааха аҭан ахаша мшаԥы 5 рзы. Аҭәаҵла 15 - 20 сантиметра иагәылакны иԥҟоуп.
Лыхнашҭатәи аҭәаҵла аԥхасҭа аҭара иалахәын ҳәа агәазҩара ззыҟоу Ираклии Даури Багаҭелиаа аанкылоуп мшаԥы 11 азы.
Аҭыԥантәи ауааԥсыра аихатәы хыцқәа рыла аҵла камҳаратә еиԥыршьит, аекологцәеи абаҳчааӡаҩцәеи аԥҟарсҭа ӷьарцаз аҭәаҵла ацәеи абаҳчатә цәеи еилаҵаны аҵлеиларш бжьыршьит.