АҞӘА, мшаԥы 27 - Sputnik. Украинаа итҟәаны ирымаз ҩынҩажәаҩык урыстәылаа аиҿцәажәарақәа ирылҵшәаны рхы иақәиҭтәуп ҳәа аанацҳауеит Атәылахьчара аминистрра.
"Урыстәыла аҳаирпланқәеи арра-транспорттә авиациеи рыла итҟәаз ҳтәылауаа Москваҟа иаагоуп амедицинатә усҳәарҭақәа рҿы ахәшәтәреи ареабилитациеи рахыжьразы", - ҳәа аҳәоит аусбарҭа адырраҭара.
Урыстәылеи Украинеи рыбжьара уаанӡатәи атҟәацәа реидыԥсахлара мҩаԥган мшаԥы 10 рзы. Усҟан рхы иақәиҭтәын 106-ҩык урыстәылаа.