АҞӘА, лаҵара 2 – Sputnik, Бадраҟ Аҩӡба. Лаҵара 1 инаркны лаҵара 20 рҟынӡа ашәиаҟатоԥра ахьчарази ареспублика амшынԥшаҳәа иахьаԥну акаҭақәа рықәыргылара алмыршарази ирыдкылоуп аусԥҟа ҳәа иҳәеит Sputnik аинтервиу азҭоз Аекологиазы Аҳәынҭеилакы аиҳабы Савели Ҷыҭанаа.
"Есышықәса абри аамҭазы ашәиаҟ акразы азинҟамҵараз аусԥҟа ҭҳажьуеит. Ари аамҭазы аԥсыӡ троԥуеит. Аԥсыӡхк аиқәырхареи аизырҳареи рзы имҩаԥгоуп ари ауснагӡатә", - ҳәа иҳәоит иара.
Ашәиаҟ акәтаӷь шыхнаҵалак акра азин ҟаҵахоит, аусԥҟа амчра ацәыӡуеит.