АҞӘА, мшаԥы 2 - Sputnik. Аԥсны ахада Аслан Бжьаниа Ставропольтәи атәылаҿацә ахь амҩа дықәлеит Кавказтәи аинвестициатә цәыргақәҵа алахәхаразы ҳәа аанацҳауеит ахада ипресс-маҵзура.
Бжьаниа иазгәеиҭоит АКФО иалахәу асубиектқәа рнапхгаҩцәеи акорпорациа дуқәа рхадацәеи рԥылара.
Аԥснытәи аделегациа иалахәуп: аԥыза-министр ихаҭыԥуаҩ, аекономика аминистр Кристина Озган, атуризм аминистр Ҭеимураз Хышба, аекономикатә политикеи, ареформақәеи аинновациатә технологиақәеи рзы Апарламенттә еилакы ахантәаҩы Резо Занҭариа, абиуџьети, акредиттә еиҿкаарақәеи, ашәахтәқәеи афинансқәеи рзы Апарламенттә еилакы ахантәаҩы Беслан Ҳалуашь.
Аԥсны Минводы, лаҵара 3-4 рзы Ацентр "МинводыЭкспо" аҿы имҩаԥысуа Кавказтәи аинвестициатә цәыргақәҵа иалахәхоит.
Рхатәы стендқәа ӡырыргоит Аԥсны, Аахыҵ Уаԥстәыла, Даӷьесҭан, Чечниа, Ингушетиа, Нхыҵ Кавказ, Ҟабарда-Балкариа, Ҟарачы-Черкесск, Ставропольтәи атәылаҿацә.