АҞӘА, мшаԥы 3 – Sputnik. Амедусҳәарҭақәа реиҳарак ирзоужьу алимит иахдырҳәҳәоит, уи инадҳәаланы Аџьынџьтәылатә еибашьра аветеранцәа рзы адефицит аныҟало ыҟоуп.
Аҭагылазаашьа атәы иалацәажәан Аԥсны Агәабзиарахьчара аминистрраҟны. Хыџьара имҩаԥгаз анҭыҵтәи агәаҭарақәа иаадырԥшит аилагарақәа шыҟоу.
ААЕ аинвалидцәа Рфонд анапхгаҩы Дмитри Ҭарба иажәақәа рыла, аполиклиникақәа рҳақьымцәа ахәшәқәа ррецептқәа зны-зынла диагнозда ма медицинатә лкаада ианылырҩаауа ыҟоуп.
Агәабзиарахьчара аминистр Едуард Быҭәба иҳәеит аибашьра аветеранцәа иахәҭоу хәшәла реиқәыршәара аԥыжәара змоу ҳәынҭпрограмманы иҟоуп, ареспубликатә биуџьет аҟынтәи аԥара азоужьуп, астатистикатә дыррақәа ҵаҵӷәны иганы асиақәа аҟазауаа еиҿыркаауеит ҳәа.
"Аминистрра ашьклаԥшлоит арегионалтә программақәа рынагӡашьа, аус адыруылалоит амедицинатә цхыраара ахаҭабзиара ашьҭыхра", - ҳәа иҳәеит Быҭәба.
Иара инаҵшьны иазгәеиҭеит аҭыԥ аҿы ҳақьымцәақәак иҟарҵо ариашарақәа аҭыԥ рымамзароуп ҳәа. Аҳақьым хадацәа рнапы ианҵоуп аполиклиникақәа рҟны аҩныҵҟатә еилацәажәарақәа мҩаԥыргаларц, анапынҵа ҟарҵарц аминистрра ишьақәнарӷәӷәахьоу хәшәла аиқәыршәара аихшанҵа аусзуҩцәа зегьы ықәныҟәаларц