Ас заанаҵы иааҳартлаӡомызт аконцерттә асезон, ари ҳара ҳзы иџьашьахәуп ҳәа азгәалҭеит аиҿцәажәараҿы Агрԥҳа.
"Абжьааԥны ҳалагон лаҵарамза аҵыхәтәантәи амшқәа рзы. Сынтәа иадҵаало рацәоуп, асасааирҭақәа рҟынтә иаҳзасуан, убри аҟнытә иазыӡбан мшаԥымза 30 рзы аконцерттә сезон аартра. Иара хацыркын ауарӷанарҳәаҩы Лука Гаделиеи ашәаҳәаҩ Кристина Ешбеи рыла", - ҳәа еиҭалҳәеит Агрԥҳа.
Аконцерттә зал аиҳабы лажәақәа рыла, аԥхын еиԥшьҵәҟьа ирацәамзаргьы ауаа, ари аамҭазы ибзиоуп ҳәа азырыԥхьаӡоит.
Гәында Агрԥҳа еиҭалҳәеит сынтәатәи асезон азы иазгәаҭоу апрограмма атәы, насгьы егьырҭ ашықәсқәа излареиԥшымхо.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.