АҞӘА, лаҵара 14 – Sputnik. Хәҩык ауаа ҭахеит лаҵара 13 ауха Гәдоуҭа араион иҟалаз амҩатә машәыр аҟны, абри атәы аанацҳауеит "Аԥсныпресс" Гәдоуҭа аҩнуҵҟатәи аусқәа рраионтә ҟәша аиҳабы Зосма Гыцба иажәақәа шьаҭас иганы.
Гыцба иажәақәа рыла, амҩатә машәыр ҟалеит Абгархықә акыҭан.
"Рыцҳара дууп. Араионтә хәшәтәырҭаҿы ҳаҟоуп уажәы. Аҳақьымцәа ишырҳәаз ала амашьына Toyota иҭатәаз хәҩык ауааԥсыра рыԥсҭазаара иалҵит", - иҳәеит иара.
Иҟалаз зыхҟьаз ҭырҵаауеит.