АҞӘА, лаҵара 15 – Sputnik. Урыстәылауаҩ закәаншьаҭада 7 800 инареиҳаны асигареҭқәа Аԥсны алгара иҽазишәеит, абри атәы аанацҳауеит Аҳәынҭқарратә аҳазалхратә маҵзура апресс-маҵзура.
Аԥснытәи аҳазалхыҩцәа аконтрабанда рыԥшааит ахаҵа инапала иҟаиҵаз аҵәахырҭаҿ. Аалыҵ имхуп.
Административтә зинеилагаразы аматериалқәа зегьы Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.