АҞӘА, лаҵара 18 - Sputnik. Аԥсны иахьаҵанакуа аҵыхәтәантәи аҵәҵәабжьы дыргоит лаҵара 25 азы, абри атәы арадио Sputnik иазеиҭалҳәеит аминистр ихаҭыԥуаҩ Ада Кәарҷелиаԥҳа.
"Аҵыхәтәантәи аҵәҵәабжьы сынтәа аныҳәатә ҟазшьа аҭаны имҩаԥгахоит. Апандемиа аамҭаан усеиԥш аиҿкаара алшомызт. Ҳәарада, ахәыҷқәа ари иеигәырӷьоит", - лҳәеит Кәарҷелиаԥҳа.
2023 шықәсазы Аҵара аминистрра адыррақәа рыла, ареспубликаҿ ашколқәа ирылгоит 1760 аушьҭымҭацәа. Кәарҷелиаԥҳа лажәақәа рыла, хәбаҳәа зҵара хзыркәшаз рацәаҩуп, убри аан амедал аиуразы иқәгыло маҷҩуп.
"Ахьтәы медал роураны рыӡбахә ҳәоуп ԥшьҩык, урҭ рҟынтәи аӡәы аԥсуа школ даҵаҩуп. Абас иҟан ҵыԥхгьы ҵыԥхцәагьы", - лҳәеит Ада Кәарҷелиаԥҳа.
Ари аҭагылазаашьа амзызқәа иреиуоуп аԥсуа бызшәа азымдырра.
Аҵаратә процесс ахыркәшара ашьҭахь аԥышәарақәа мҩаԥысраны иҟоуп.