АҞӘА, лаҵара 25 - Sputnik. Атәыла аҩнуҵҟа аполитикатә ҭышәынтәалара адәныҟатәи аполитика анырра анаҭоит, абас аҳәамҭа ҟаиҵеит Аԥсны Адәныҟатәи аусқәа рминистр Инал Арӡынба.
Арӡынба инаҵшьны иазгәеиҭеит, Аԥсны ААР аполитикатә дунеихәаԥшышьақәа ирыхьмырԥшыкәа ауаажәларра-политикатә мчрақәа зегьы аус рыцура ишазыхио.
"Жәларбжьаратәи ҳпартниорцәа атәылаҿ иҟоу аҭагылазаашьа иашьклаԥшуеит, аекономикатә, асоциалтә, аполитикатә ҭагылазаашьа иаҿырԥшны рхатә ӡбамҭақәа рыдыркылоит. Уи аҵакы аманы исшьоит", - иҳәеит аминистр.
Инал Арӡынба иҳәеит аминистрраҿы аус шауа Ауаажәларратә хеилак, уи аҳәаақәа ирҭагӡаны аиҿцәажәарақәа, аилацәажәарақәа шымҩаԥысуа, аӡбрақәа шрыдыркыло.