АҞӘА, рашәара 6 - Sputnik. Ареспубликатә хәышәтәырҭаҟны имҩаԥыргахьеит 20 инарзынаԥшуа ирццаку операциа алапороскопиатә ҟазшьала, абри атәы Агәабзиарахьчара аминистр изеиҭеиҳәеит ахәшәтәырҭа аҳақьым хада и.н. Ерик Ҳаҭхәа.
Иара иажәақәа рыла уаанӡа амедусҳәарҭаҿы имҩаԥыргон планла иазгәаҭаз алапороскопиатә ԥҟарақәа.
"Уаанӡа амедусҳәарҭаҿы имҩаԥыргон планла иазгәаҭаз алапороскопиатә ԥҟарақәа. Аиҳарак- аурологиатә, азҭра, ач роперациақәа ракәын", - иҳәеит Ҳаҭхәа.
Агәабзиарахьчара аминистр Едуард Быҭәба иазгәеиҭеит ҳаамҭазтәи аинвазиамаҷтә хирургиа ишалнаршо аоперациа уадаҩӡақәа рымҩаԥгара, убри аан ахацеилышь иаԥырхагамхо ҳәа.
"Ауаҩы ирласны дшьақәгылоит, ашәарҭарақәа еиҳа еиҵоуп, апациент ирласны есҽынтәи иԥсҭазааратә хымҩаԥгашьа дазыхынҳәуеит", - иҳәеит аминистр.
Иара убасгьы иазгәеиҭеит аусбарҭа ахәаԥшраны ишыҟоу арҭ рҩызцәа аоперациақәа рымҩаԥгаразы иаҭаху ахархәагақәа раахәара азҵаара, ахәшәтәырҭа еиҳа еиӷьны еиқәыршәазарц азы.