АҞӘА, рашәара 7 - Sputnik, Асмаҭ Ҵәыџьԥҳа. Александр Пушкин иҩымҭа "Души прекрасные порывы" ала имҩаԥгаз иреиӷьу арҿиаратә усумҭақәа реицлабра афинал мҩаԥган аԥшьаша, рашәара 7 рзы "Москва Аҩны" аҟны.
Аҟәатәи асахьаҭыхратә ҵараиурҭа аиҳабы Амиран Адлеиба аицлабра алахәылацәа рҽхәо иазгәеиҭеит рус ҭакԥхықәрала ишазнеиз.
Ацәыргақәҵатә зал хада аиҳабы Ельвира Арсалиаԥҳа илҳәеит, Пушкин илитературатә хаҿсахьақәа адунеитә ҿыханҵа, аграфика, арԥшӡара- ахархәаратә ҟазараҿ - ишҭҵаара дуу.
"Ҳара иалҳхыз ари ахырхарҭа даара иссируп. Аицлабраҿ, иалзхуа рзынгьы иуадаҩуп. Иҟалап иахьымӡаз аӡәы дыҟазаргьы, аӡәы аамҭа иаҳа ирацәаны имазҭгьы. Ҳара аусумҭақәа зегьы рыхә ҳшьон гәазыҳәарак ҳаманы, алитературатә хшыҩҵак асахьаҭыхрахь аиагара аԥыжәара аҳҭеит. Аусумҭақәа зегьы дара ртхатәы аинтерес рыман", - ҳәа лҳәеит лара.
"Аҿыханҵа" ажанр аҟны аԥхьахә ҭыԥ лоуит Сариа Аргәынԥҳа. Аусумҭа "Аԥсыӡи аԥсыӡкҩи рлакә" азы аскульпторцәа рыбжьара аԥыжәара игеит, аҩбатәи акурс астудент Едуард Торосиан.
Аусмҩаԥгатә еиҿкаан Москва аиҳабыреи, Москва адәныҟаполитикатәии жәларбжьаратәии р-департамент, аицџьынџьуаа Москватәи Рыҩны, Аҟәа иҟоу "Москва Аҩны" рыцхыраарала.