АҞӘА, рашәара 8 - Sputnik. Аԥсны атәылахьчара аминистрра арбџьармчқәа русбарҭақәа рыҟны аштабтә ҽазыҟаҵарақәа еицымҩаԥыргеит. Абри атәы аанацҳауеит аусбарҭа апресс-маҵзура.
Атәылахьчара аминистрра аруаа ашьыжь асааҭ 5 рзы аибашьратә ашәарҭадырра рыҭаны ршьапы иқәыргылан. Аамҭа кьаҿк иалагӡаны урҭ азхиан рҿаԥхьа иқәгылаз адҵа анагӡара.
Аҽазыҟаҵарақәа рхықәкы - иааларҟьаны зҽызыԥсахуа аҭагылазаашьаан архәҭақәа разыҟаҵара ҳаракы аарԥшра.
Аҽазыҟаҵарақәа рлыҵшәақәа рыла иӡбан иназыцҵоу аҽазыҟаҵарақәа рымҩаԥгара атехнологиа ҿыцқәа рхархәарала.