АҞӘА, рашәара 10 - Sputnik. Аԥсны Голд захьӡу Адгәыр Ԥачалиа иҽыҩ Аԥхынтәи асезон ду ахраҿазы аиԥхныҩлараан раԥхьа инеит ҳәа аанацҳауеит Аԥсны Аспорт азы Аҳәынҭеилакы.
Араԥ шьа злоу хышықәса зхыҵуа аҽыҩқәа еиԥхныҩлон 1600 метра иҟаз абжьаӡараҟны. Ари аиԥхныҩлараҿы афбатәи аҭыԥ агеит Ахра Ашәба иҽыҩ Соле Мио.
Аелита ахраҿазы аиԥхныҩлараан Гаркун захьӡу Адгәыр Ԥачалиа иҽыҩ аҩбатәи аҭыԥ агеит. Араԥ шьа злоу ԥшьышықәсеи инеиҳани зхыҵуа аҽыҩқәа еиԥхныҩлон 2400 метра иҟаз абжьаӡараҟны.
Даҽа аԥснытәи ҽыҩқәаки ҽанқәаки аԥхьахә ҭыԥқәа ргеит 1800, 1200 метра ръы, иара убас Аԥкратә храҿазы.
Аҽырыҩрақәа Урыстәыла Амш аҳаҭыр азы имҩаԥган, иара убас 2023 шықәса Урыстәыла ижәытәӡатәиу иреиуоу, Краснодаргьы иакзаҵәыку аҽырҩырҭа 155 шықәса ахыҵра аҳаҭыр азы.
Ари аҽны имҩаԥысит 11 еиԥхныҩлара ҩ-ҽыҩхкык рыбжьара: англызи араԥи шьақәа злоу. Аҳамҭақәа рзеиԥш фонд миллион мааҭк еиҳауп.